Huyu ndiye mfungaji mwenye magoli mengi zaidi katika historia ya fainali za Kombe la Dunia "Mjerumani, "Miroslav Klose" Avunja rekodi ya Ronaldo De Lima wa Brazil

Miroslav Klose amevunja rekodi ya Ronaldo na kuwa mfungaji mwenye mabao mengi zaidi katika historia ya fainali za kombe la dunia.

Mshambuliaji huyo wa Ujerumani alifunga bao la pili katika ushindi wa mabao 7-1 dhidi ya Brazil kwenye mchezo wa nusu fainali wa kombe la dunia  na kufikisha mabao 16.

Lilikuwa bao lake la pili katika mashindano baada ya kufunga bao akitokea benchi katika mchezo dhidi ya Ghana,  hatua ya makundi na kumfanya alingane mabao na gwiji wa Brazil. Wafungaji waliofunga magoli mengi zaidi katika mashindano ya kombe la dunia muda wote ni pamoja na Miroslav Klose 16, Ronaldo De Lima 15 , Gerd Muller 14,  Just Fontaine 13,  Pele 12, Jurgen Klinsmann 11, Gary Lineker 10.

Klose alicheza kwa mara ya kwanza fainali za kombe la dunia mwaka 2002 na kufunga mabao matatu `hat-trick` katika ushindi wa mabao 8-0 dhidi ya  Saudi Arabia. 

Alifunga tena bao katika mechi iliyofuata ya makundi ambayo Ujerumani ilitoka sare ya 1-1 dhidi ya Jamhuri ya  Ireland, kabla ya kufunga bao la pili katika ushindi wa 2-0 dhidi ya Cameroon.

Licha ya Ujerumani kufika fainali mwaka ule, Klose alishindwa kufunga tena katika mashindano, akimaliza michuano kwa idadi sawa ya mabao na Rivaldo, nyuma ya mfungaji bora, Ronaldo aliyefunga mabao 8.

Read More

Hiki ndicho alichokisema Kocha wa Brazil Luiz Felipe Scolari baada ya kipigo cha 7-1 toka kwa Wajerumani

“Ni wakati mbaya zaidi kuwahi kutokea katika kazi yangu ya ukocha na siku mbaya zaidi katika maisha yangu ya soka. Lakini maisha yanaendelea. Nani anawajibika kwa matokeo haya? Ni mimi, ni mimi. Lawama za matokeo haya mabaya zinaweza kutuhusisha wote, lakini mtu aliyeamua timu ya kucheza na mbinu nilikuwa mimi.

Lilikuwa chaguo langu. Tulijitahidi kufanya kila tuwezalo, tulicheza kwa kiwango chetu cha mwisho-lakini tumeishia dhidi ya timu kubwa ya Ujerumani. Hatukukata tamaa na kurudi nyuma. Tuliparaganyika na kupaniki baada ya kufungwa bao la kwanza na kila kitu kiliharibikia hapo. Hata Ujerumani hawawezi kuelezea ilitokeaje-lakini ni kwasababu ya ujuzi wao na unatakiwa kuheshimu hilo.

Tunatakiwa kujifunza jinsi ya kukabiliana nalo. Ujumbe wangu kwa watu wa Brazil ni huu. Tafadhali watusamehe kwa kiwango hiki. Ninaomba radhi kwasababu hatujaweza kufika fainali-na tutajitahidi kushinda mechi ya nafasi ya tatu. Bado tuna sababu ya kucheza.”

Read More

Mario Alberto Kempes : Shujaa aliyeiletea heshima Argentina Kombe la Dunia Mwaka 1978

Mchezaji mwenye rekodi ya pekee : Hakuwahi  kupewa kadi ya aina yeyote katika maisha yake ya soka                                         

Na Fredrick Majula

 

Mara nyingi ukiizungumzia Argentina katika ramani ya soka ulimwenguni, wengi wanaamini ujio wa Diego Almando Maradona mwanzoni mwa miaka ya themanini ndio uliiweka nchi hiyo katika ramani ya soka kulingana na mchango wake katika timu ya taifa ya Argentina. Kabla ya kuibuka kwa Maradona tayari argentina walikuwa wameshatwaa kombe la dunia mwaka 1978, kipindi wanachukua kombe hilo, walikuwa na nyota wao ambaye aliibuka miaka ya sabini Mario Alberto Kempes, alizaliwa July 15, 1954 katika mji wa Bell Ville, Cordoba, Argentina.

Read More

Hiki ndicho kikosi cha Stars kitakachokwenda Gaborone, Botswana

Wachezaji 26 wa Taifa Stars wanaingia kambini Jumatatu (Juni 23 mwaka huu) kwa ajili ya safari ya Gaborone, Botswana.

Kwa mujibu wa Kocha Msaidizi wa timu hiyo Salum Mayanga, wachezaji hao wanatakiwa kuripoti katika hoteli ya Accomondia jijini Dar es Salaam kujiandaa kwa safari hiyo inayotarajiwa kuwa Juni 24 mwaka huu.

Wachezaji hao ni wanaotakiwa kuripoti kambini ni Deogratias Munishi, Aishi Manula, Benedictor Tinoko, Kelvin Yondani, Said Moradi, Nadir Haroub, Joram Nason, Shomari Kapombe, Oscar Joshua, Edward Charles, Aggrey Morris na Pato Ngonyani.

Wengine ni Frank Domayo, Amri Kiemba, Erasto Nyoni, Jonas Mkude, Said Juma, Haruna Chanongo, Himid Mao, John Bocco, Simon Msuva, Kelvin Friday, Ramadhan Singano, Khamis Mcha, Mrisho Ngasa na Mwegane Yeya.

Read More

Rufani ya Wambura Yakwama TFF

Kamati ya Rufani ya Uchaguzi ya Shirikisho la Mpira wa Miguu Tanzania (TFF) imeikataa rufani ya Michael Wambura kupinga kuenguliwa kugombea urais katika uchaguzi wa klabu ya Simba unaotarajiwa kufanyika baadaye mwezi huu.

Wambura aliwasilisha rufani yake mbele ya Kamati hiyo iliyokutana leo (Juni 19 mwaka huu) jijini Dar es Salaam chini ya Kaimu Mwenyekiti Wakili Mwita Waissaka kupinga uamuzi wa kumwengua katika kinyang’anyiro hicho uliofanywa na Kamati ya Uchaguzi ya Simba kwa kufanya kampeni kabla ya muda uliopangwa.

Read More

Kwa wale Mashabiki wa Manchester United hii ndo ratiba ya ligi Msimu Ujao

Klabu ya Manchester United inatarajia kutupa karata yake ya kwanza katika ligi ya England msimu ujao dhidi ya Swansea City katika uwanja wa Old trafford huku wakitarajia kucheza jumla ya michezo tisa bila kukutana na klabu yeyote iliyo maliza ligi katika nafasi nne za juu. 

Aidha, baada ya michezo hiyo, Manchester United watakuwa na mtihani wao wa kwanza dhidi ya wapinzani wao katika ligi ya England klabu ya Chelsea mchezo utaopigwa Octoba 25, 2014 katika uwanja wa Old trafford, ambapo baada ya mchezo huo watakuwa wakikaribishwa katika Uwanja wa City of Manchester na mahasimu wao wa muda wote Manchester City Novemba 1, 2014.

Tazama ratiba ya Manchester United hapa chini............................

Fixtures

Saturday 16 August

English Barclays Premier League

Manchester United v. Swansea City

Saturday 23 August

English Barclays Premier League

Sunderland v. Manchester United

Saturday 30 August

English Barclays Premier League

Burnley

Read More

Messi: Sasa ni muda wa kudhihirisha Ukweli

Getty
0

Kiungo mshambuliaji na kamptaini wa timu ya taifa ya Argentina Lionel Messi amesema kuwa kikosi chote kina shauku na michuano ya kombe la dunia baada ya kushinda mchezo wa mwisho wa maandalizi ya kombe hilo dhidi ya Slovenia jumamosi hii.

Read More